Mbrëmjen e sotme do të rikthehen emocionet e ndeshjeve të Champions League. Duele dhe sfida interesante janë në program për t’u zhvilluar.
Gjithçka do të nisë me ndeshjen mes Dortmund – Newcastle në orën 18:45 dhe Shakhtar Donetsk – Barcelona. Në orën 21:00 do të luhen edhe 6 sfida të tjera.
Me interes pritet përballja mes Milan dhe PSG-së që do të luhet në “San Siro”. Si kuqezinjtë ashtu edhe parizienët do të hyjnë në fushë vetëm për fitoren. Një duel që premton të jetë emocionues edhe në shkallët e stadiumit, teksa në “San Siro” do të rikthehet edhe Donnaruma.
Në po të njëjtën orë do të luhet edhe duelet mes Atletico Madrid – Celtic, Crvena Zvezda – Leipzig, Porto – Antwerp i Arbnor Mujës, Lazio i Elseid Hysajt me Feyenoord si dhe takimi i fundit do të jetë mes Manchester City dhe Young Boys.
