Një aksident i rëndë ka ndodhur pasditen e sotme në Lushnjë, ku makina ka përplasur një kalimtar 87-vjeçar.
Ngjarja e rëndë ka ndodhur në kryqëzimin e Savrës, teksa Avdyl Çullhaj ishte duke kaluar rrugën, ndërsa mbante në shpinë një ngarkesë me dru zjarri. Në këtë moment një 38-vjeçar, që drejtonte një makinë fuoristradë, e ka përplasur duke i shkaktuar plagë të rënda. Ai u dërgua në spital, por fatkeqsisht nuk mundi të mbijetonte dhe ka ndërruar jetë.
Drejtuesi i automjetit, ndërkohë është shoqëruar në Komisariat, ndërkohë që pritet zbardhja e ngjarjes.
