Deputeti i Partisë Demokratike, Tritan Shehu ka komentuar situatën politike në vendin tonë.
Gjatë intervistës në Fax News, Shehu tha se Shqipëria po kalon një situatë anti-demokratike kjo për shkak se Rama po imponon një opozitë “false”.
Gjithashtu, Shehu e ka cilësuar si “montim politik” procesin ndaj Sali Berishës.
Tritan Shehu: “Kërkohet të imponohet një opozitë nga Rama, sipas interesave të Ramës dhe përfaqësuesit e saj të caktohen nga Rama. Jemi në një situatë anti-demokratike, të këtij regjimi që ka krijuar në parlamentin e Shqipërisë, të cilës po i kundërvihen deputetët e Partisë Demokratike me protestat e tyre, me mundësitë që kemi. Pikërisht për të sensilbilizuar opinionin publik për të ngritur zërin dhe për të kundërshtuar këtë revansh të regjimit që ka në marrjen e funksion të parlamentit.
Këto protesta kanë për qëllim vendosjen e parlamentarizmit dhe kushtet e saj janë të qarta, të cilat janë ato që janë shkelur kohët e fundit në mënyrë madhore. Por veçanërisht ato që lidhe me Komisionet Hetimore. Kërkohet të caktohen në Komisionin Zgjedhor përfaqësuesit e opozitës siç i do Rama dhe jo ata që do opozita.
Kjo protestë e opozitës nuk ka për qëllim bllokimin e parlamentit. Përkundrazi ka për qëllim vendosjen e parlamentit në shinat demokratike. Rama do që të ketë një opozitë për fasadë dhe këtë gjë e kundërshtojmë ne. Ne duam të zhbllokojmë parlamentin nga duart e regjimit që ka kapur dhe në vendosjen në shinat e demokracisë. Ky është qëllimi.
Ajo që po ndodh me Berishën është një montim i një procesi gjyqësor i bazuar mbi elementë politkë. Në mënyrë antikushtetuese anti ligjore pa respektuar rregullat, as rregulloren e parlamentit shqiptar, ku shkelen të drejtat e deputetit në tërësi. Është një montim politk që nuk respekton as rregullat më elementare të rregullores së parlamentit.”
