Mbrojtja e civilëve duhet të jetë “e rëndësishme” në konfliktin midis Izraelit dhe Hamasit, ka thënë Sekretari i Përgjithshëm i Kombeve të Bashkuara Antonio Guterres , duke paralajmëruar se Rripi i Gazës po kthehet në një “varrezë fëmijësh”.
“Operacionet tokësore të Forcave të Mbrojtjes izraelite dhe bombardimet e vazhdueshme po prekin civilët, spitalet, kampet e refugjatëve, xhamitë, kishat dhe objektet e OKB-së , duke përfshirë strehimoret. Askush nuk është i sigurt”, u tha Guterres gazetarëve.
“Në të njëjtën kohë, Hamasi dhe militantë të tjerë po përdorin civilët si mburoja njerëzore dhe vazhdojnë të gjuajnë raketa pa dallim ndaj Izraelit”, vazhdoi ai.
Guterres tha se po kryheshin shkelje të qarta të ligjit ndërkombëtar humanitar dhe bëri thirrje përsëri për një armëpushim humanitar.
