Kombëtarja shqiptare është shumë pranë realizimit të ëndrrës për herë të dytë, atë të kualifikimit në një kampionat europian.
Pas kualifikimit në “Euro 2016”, Shqipëria nën drejtimin e teknikut Silvinho-s është shumë pranë realizimit të objektivit për herë të dytë teksa i mjafton vetëm një pikë në sfidën e 17 nëntorit përballë Moldavisë.
Teksa jemi disa ditë larg ndeshjes, “arkitekti” i skuadrës, Silvinho, ka folur rreth fushatës kualifikuese fantastike që po zhvillojnë kuqezinjtë duke zbuluar edhe “sekretin” e formës të skuadrës.
Në një intervistë për Abcnews, ai u shpreh:
“Futbolli është kompleks, nuk është individual, është një sport kolektiv, dhe pa shpirtin e skuadrës nuk shkohet askund. Futbolli ka nevojë për kohë. Kemi një miks lojtarësh të rinj por edhe me eksperiencë që janë të fortë. Më pas kemi nisur një punë për të krijuar shpirtin e duhur të skuadrës. E di që ju e kuptoni shumë mirë për futbollin, ke shkruar edhe një libër në 2016 për futbollin, je i apasionuar pas futbollit ashtu si edhe unë.
Futbolli është kompleks, nuk është individual këtë e dimë, është një sport kolektiv, dhe pa shpirtin e skuadrës nuk shkohet askund. Kemi nisur punë dhe të gjithë futbollistët e kuptojnë menjëherë këtë, i kemi dhënë sensing e ekuilibrit dhe organizimit një skuadre dhe bashkë më të rrihet edhe niveli kjo tregohet edhe në fushën e lojës. Është e vetmja formë që mund të gjendet për të krijuar një skuadër të fortë në fushë. Ne kemi 23-25 futbollistë që japin gjithçka dhe kjo shihet në fushë, u shpreh Sylvinho.
“Kjo është pjesa e shpirtit të skuadrës. Unë si ish-futbollist kam luajtur dhe jam zëvendësuar dhe ndonjëherë, mund të përfundosh edhe në tribunë dhe nuk është dicka e lehtë. Por kur punojmë, dhe kjo është e rëndësishme, të jetosh në Tiranë i thash edhe Presidentit Duka, dua të jetoj këtu. Kemi Federatën gati që na krijon cdo mundësi. Jemi staf prej 7-8 vetash. Jemi brazilianë, italianë, argjentinas, shqiptar,” shtoi më tej Sylvinho.
Ndër të tjera Sylvinho rrëfeu edhe marrëdhënien me ndihmës trajnerin e Kombëtares, Zabaletën, nisur edhe nga rivaliteti mes Brazilit dhe Argjentinës në futboll.
“Ndihem shumë mirë me të, kam patur tre argjentinas shumë afër me karrierën time. I pari, Nelson David Vivas, nëse nuk gaboj sot punon te Atletico Madrid, si ndihmës i Simeones, më pas Messi ishte 16-17 vjec te Barcelona dhe Pablo e njoha te City është një profesionist shumë i mirë. Por pyetja që bëni është e drejtë nuk është normale kjo lloj marrëdhënie, kemi një staf teknik shumë të mirë dhe ecim përpara,” -vijoi ai
Humbja ndaj Polonisë në Varshavë një sinjal pozitiv për kombëtaren. “Merita është e lojëtarëve ata e kuptuan menjëherë se kishin një mundësi shumë të mirë për të bërë gjëra të mëdha për të cuar përpara, por nëse jemi bashkë nëse jemi një ata e kuptuan. Ne e morëm ekipin në janar, pas një muaji e gjysmë duke udhëtuar duke u takuar më lojëtarët për t’u njohur. Kemi shkuar në Poloni dhe nuk e dinim cfarë na priste. Polonia është një skuadër shumë e fortë dhe në Varshavë, ishte një fushë shumë e vështirë.
Aty nisi një rrugëtim dhe ata e kuptuan se e rëndësishme për ne ishte të ishim në garë. Ata e kuptuan se edhe pse pësuam një gol duhet të ishim të fokusuar brenda objektivit, në minutën e fundit kishim mundësi për të barazuar. Unë mendoj ishte një sinjal që u erdhi atyre. Ata janë inteligjentë, e kuptojnë futbollin. Me Moldavinë në shtëpi kemi bërë një ndeshje shumë të mirë, po ashtu edhe në transfertë me Ishujt Faroe, është përgjigjja që kanë dhënë lojëtarët, por e them gjithmonë që ‘nuk ka mbaruar’. Ne e dimë se sa e vështirë është për të shkuar në finalet e një europiani. Ka ndodhur një herë jemi shumë afër, por unë kam lindur në San Paolo dhe jam i qartë për këtë pjesë.” ka thënë tha Sylvinho.
