Momente frike në ndeshjen mes Tomorit dhe Burrelit, e vlefshme për javën e 10-të të Kategorisë së Parë, kur sulmuesi i miqve u rrëzua pa ndjenja në tokë.
Ndërsa sfida ishte në minutën e 18’, sulmuesi Florenc Ferruku u përplas me Hysollin në zonën e Tomorit dhe nga kjo përplasje ra në tokë pa ndjenja.
Është dashur ndërhyrja e menjëhershme e të dyja stafeve mjekësore për të shpëtuar 22-vjeçarin.
Pasi është përmendur, Farruku është dërguar menjëherë me ambulancë në spitalin rajonal të Beratit, ndërsa u shoqërua me duartrokitjet e tifozëve.
Ndërkohë ndeshja mes Tomorit dhe Burrelit ka rifilluar dhe është duke u luajtur.
