Arrestohet shoferja 53-vjeçare e cila shkaktoi një aksident me pasojë vdekjen në lagjen “Skënderbeg” të Shkodrës.
Në prangat e policisë ka rënë shtetasja me iniciale A.R, e cila humbi kontrollin e mjetit dhe për pasojë përplasi një të moshuar e cili po lëvizte me biçkletë.
“Përplasi me automjet, biçikletën me të cilën lëvizte një 72-vjeçare që humbi jetën më pas, në spital, arrestohet 53-vjeçarja.
Specialistët e Qarkullimit Rrugor të Drejtorisë Vendore të Policisë Shkodër arrestuan në flagrancë shtetasen A. R., 53 vjeçe, pasi ditën e sotme, rreth orës 10:30, në lagjen “Skënderbeg”, automjeti që drejtonte kjo shtetase, ka përplasur biçikletën me të cilën lëvizte shtetasja M. Ç., 72 vjeçe.
Shtetasja M. Ç., për shkak të dëmtimeve të marra, ka humbur jetën më pas, në spital. Vijojnë hetimet për të përcaktuar shkakun e aksidentit”, njofton policia.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme.
