Futbollisti i Kombëtares, Kristjan Asllani, është prononcuar ditën e sotme duke folur për Kombëtaren shqiptare, e cila në datë 17 nëntor do të luajë një sfidë deçizive për kualifikimin në Euro 2024 ndaj Moldavisë.
Duke folur në Ora News, Asllani u shpreh se sezoni që po kalon me Kombëtaren ka qenë një ëndërr. Talenti i Interit, gjithashtu tha se do të bëjë të pamundur që kombëtarja jonë të kualifikohet për në Euro 2024 në Gjermani.
Qysh kur kemi filluar sezonin me Kombëtaren ka qenë një ëndërr. Të gjithë ëndërrojmë për në gjermani. Kemi një ndeshje të vështirë në Moldavi. Është normale se e mendojmë fitoren, por në futboll nuk i dihet asnjëherë. Jemi shumë të fokusuar dhe do të luftojmë për bluzën dhe fitoren.
Na ndihmojnë shumë tifozët. Kur luan këtu në San Siro është fantastike. Ndërsa edhe në shqipëri është fantastike. Edhe lojtarët e tjerë thonë se është një atmosferë që nuk është parë ndonjëherë.
