Real Madrid priti përfundimin e ceremonisë së dorëzimit të Topit të Artë për të zyrtarizuar rinovimin e kontratës së Vinicius, që do të qëndrojë “los blancos” deri në vitin 2027. Por sulmuesi brazilian nuk është i vetmi që pritet të rinovojë me skuadrën madrilène.
Sipas “AS”, brenda kësaj jave pritet të zyrtarizohet edhe rinovimi i brazilianit tjetër Rodrygo. Ky i fundit pritet të firmosë një kontratë që do të zgjasë deri në vitin 2028. Rodrygo do të ketë një klauzolë largimi që do të kapë shifrën e 1 miliardë euro.
Rodrygo është i dyti në listën e futbollistëve të rinj me të cilët Real Madrid ka arritur një marrëveshje financiare. Tri lojtarët e tjerë që pritet të rinovojnë kontrata e tyre janë Eder Militano, Eduardo Camavinga dhe Federico Valverde. Në këtë mënyrë, klubi garanton një vijueshmëri të këtij grupi kampionësh, një bazë solide për të ardhmen.
Këtij grupi i shtohet edhe kontrata deri në vitin 2029 e Jude Bellingham apo ajo e Tchouameni, deri në vitin 2028. Gjithsesi, rinovimi i kontratës së Rodrygo vjen në mes të një sezoni ku ai ende nuk ka dhënë atë që pritej, teksa numëron 870 minuta pa shënuar gol.
