Një grabitje është regjistruar natën e kaluar në fshatin Janjar të Konispolit, në banesën e bariut Sulo Ismaili.
Persona nga fshatra të tjerë i kanë grabitur një lopë dhe e kanë therur, duke e ndarë në 4 pjesë. Më pas 4 pjesët e lopës i kanë marrë me një automjet për t’u larguar. Burime bëjnë me dije se bariu Sulo Ismaili ka njoftuar Policinë, teksa bashkë me familjarët e tij është vënë në ndjekje të hajdutëve.
Automjetit në të cilën ndodhesj lopa e therur dhe hajdutët i është çarë sadokardi dhe ka rrjedhur vaji i motorit, çka ka detyruar hajdutët të fshehin mishin dhe të largohen.
Policia e Sarandës njofton se ka arrestuar dy hajdutët, shtetasit Mario Lame, 21 vjeç dhe Ardit Isufi, 26 vjeç, të dy banues në fshatin Shalës të Konispolit. Pas kontrolleve të ushtruara në banesën e Mario Lames, uniformat blu kanë gjetur një armë gjahu, që posedohej pa leje, disa fishekë dhe një kapuç për maskim.
Policia bën me dije se vijon punën për zbardhjen e vjedhjeve të tjera që mund të kenë kryer këta shtetas.
.
