Seanca plenare e ditës së sotme në Kuvend ka nisur me përplasje mes përfaqësuesve të opozitës dhe atyre të mazhorancës.
Deputetët e opozitës vendosën të bllokonin foltoren e Kuvend. Në këto kushte, kryeparlamentarja vendosi që t’ja japë fjalën deputetit socialist Vullnet Sina, duke e udhëzuar të shmangte fjalimin në foltore dhe të fliste nga vendi.
Teksa deputeti socialist Vullnet Sina fliste nga vendi, kolegu i tij demokrat Bledio Nallbati i fiku mikrofonin. Pas kësaj mes dy ligjvënësve pati përplasje fizike, ndërsa deputetë të tjerë dhe garda u përfshijnë për të shuar gjakrat.
Pamjet më poshtë tregojnë momentet e përplasjes dhe çastet kur drejt drejt deputetit të PS vërshojnë grushtet nga kolegu demokrat.
Pas kësaj skene, drejtuesja e Kuvendit Lindia Nikolla vendosi të ndërpresë përkohësisht seancën, ndërsa më vonë njoftoi përjashtimin e Nallbatit nga seanca.
Me rinisjes e seancës, tensionet vijuan, ndërsa deputetët e opozitës u fiknin mikrofonat atyre socialistë. Mes tensionesh, Nikolla vendosi ndërprerjen e seancës disa herë.
