Studentët e Mjekësisë prej më shumë se një muaji kanë vijuar bojkotin e studimeve për shkak të ligjit që miratoi qeveria Rama e cila mban “peng” diplomat e tyre duke i detyruar që për 5 vite pas diplomimit të punojnë në Shqipëri.
Edhe ditën e sotme, studentwt janë mbledhur sërish në protestë para godinës së rektoratit, ndërsa një përfaqësi e tyre do të zhvillojë edhe një takim me rektorin Arben Gjata.
Studentët kërkojnë mbështetje publike nga Gjata, kërkojnë mos u paraqitet asnjë kontratë derisa Gjykata Kushtetuese të japë vendimin final dhe pedagogët të mos ushtrojnë presion.
Kërkojnë anulimin e ligjit për mbajtjen ‘peng’ të diplomave, studentët e Mjekësisë të hënën takohen me rektorin Gjata.
Çdo student i mjekësisë që nuk përmbush detyrimin ligjor, për të ofruar shërbim shëndetësor deri në 5 vite në vendin e tij dhe zgjedh të largohet jashtë Shqipërisë pas studimeve, do të duhet të paguajë një tarifë prej 240 mijë lekë të reja për çdo vit studimi.
