Do të mbahet në datat 9 dhe 10 nëntor 2023, në Hotel MAK në Tiranë konferenca kombëtare me temë “AMENDAMENTI KIGALI – Mbështetja e Industrisë Shqiptare për Klimën”.
Konferenca organizohet në bashkëpunim me UNIDO, teksa temat e diskutimit do të jenë:
Legjislacioni i ri për F-gazet në Shqipëri
Skemat e trajnimit dhe certifikimit
Planifikimi I Fazës I të Planit të Implementimit të Kigalit
Zhvillimi dhe perspektiva e ftohësve me GWP të ulët në rajonin tonë
Efikasitetit të energjisë
Ndryshimet i klimaterike, etj
Të gjithë të interesuarit mund të marrin pjesë në konference, duke kontaktuar në [email protected].
Kujtojmë se duke nisur nga fillimi i vitit 2024, Shqipëria do të zbatojë planin për reduktimin e gazrave që kanë fuqinë e ngrohjes globale (GWP) më të lartë se 2500, si një detyrim i Marrëveshjes së Stabilizim-Asociimit të vendit tonë me Bashkimin Europian.
Ky është një nga parashikimet më të rëndësishme të ligjit “Për gazet serrë të fluoruara”, i cili u miratua nga Parlamenti në janar të vitit 2023 dhe nis zbatimin në janar të vitit të ardhshëm. Ligji i ri ka qëllim të shpallur reduktimin e shkarkimeve të gazeve serrë të fluoruara, me synim final mbrojtjen e mjedisit.
Në bazë të këtij ligji, duke nisur prej fillimit të vitit të ardhshëm do të aplikohen kufizime për vendosje në treg të një numri të konsiderueshëm pajisjesh, të cilat përdorin gazet serrë të fluoruara mbi normat e parashikuara në Marrëveshjet Ndërkombëtare.
Ligji i ri për gazet serrë/ Pajisjet shtëpiake dhe industriale që do t’u kufizohet shitja
