Pas raportimeve mediatike për vendimin e SPAK dhe GJKKO që sekuestroi një sipërfaqe toke të bashkëshortit të saj, ka reaguar deputetja socialiste Olta Xhaçka.
Në një reagim në rrjetet sociale, Xhaçka pranon se “prej disa javësh është vënë nën sekuestro preventive një pjese e kantierit të investimit”.
Më tej, akuzon kreun e opozitës Sali Berisha.
Në fund të reagimit, fton prokurorinë u të bëjë punën e vet i papenguar nga askush.
“Një kusar me damkë dhe shpifës me nam si Sali Berisha nuk mund t’i bëjë askujt moral. Bashkëshorti im nuk ka marrë asnjë metër katror tokë nga shteti për investimin e tij privat dhe vënia nën sekuestro preventive prej disa javësh e një pjese te kantierit të investimit, për të hetuar origjinën e një prone private qysh nga viti 1994 është pjesë e një procesi që unë as e dyshoj në qëllim, as e komentoj në meritë. SPAK-u të bëjë punën e vet i papenguar nga askush, ndërsa Sali Berisha le të vazhdojë të lehë për të tërhequr vëmendjen nga pantallonat e rëna deri në fund”, shprehet Xhaçka.
