Reshjet e dendura të shiut që pushtuan kryeqytetin pasditen e kësaj të mërkure, kanë shkaktuar edhe radhë të gjata automjetesh.
Shiu ka paralizuar lëvizjen normale të mjeteve, por edhe të këmbësorëve. Shumë shoferë janë përballur me trafik të rënduar, ku sipas informacioneve vargu i makinave ka arritur në disa kilometra në rrugën afër pallatit me shigjeta.
Ndërkohë, sinoptikanët kishin parashikuar ulje të temperaturave dhe reshje shiu për këto ditë të fundit të muajit tetor.
