Avokati i ish-kryeministrit, Sali Berisha, ka folur mbi seancën me dyer të mbyllura që u mbajt këtë të mërkurë në GJKKO.
I ftuar në Syri Tv, Gjokutaj, ka treguar se si gjykatësja e çështjes, Irena Gjoka e kishte parashikuar situatën dhe kishte marrë masa që të paracaktonte edhe një avokat tjetër.
Gjokutaj ka treguar se gjyqtarja Gjoka ishte tërhequr 1 orë nga çështja dhe më pas ka emëruar një avokat kryesisht që siç edhe ngriti dyshimet, dukej që ishte i paracaktuar, sepse avokati është gjetur brenda gjykatës.
‘Ne i dolëm borxhit gjykatës dhe në përpjekje maksimale për ta nxjerrë gjykatën nga ky ngërç që ka futur veten, bashkë me SPAK-un, që të na jepte edhe në mënyrë elektronike materialin që të vijojmë seancën, ajo nuk pranoi në mënyrë kategorike.
Pati një nervozizëm dhe gjyqtarja Irena Gjoka është tërhequr 1 orë, sa ka thirrur këtë avokatin Simoni, sepse siç duket e ka parashikuar, sepse një gjyqtare që të tërhiqet 1 orë, e di se çfarë do të bëjë dhe e ka thirrur këtë Simonin.
Ai është gjendur jashtë orarit zyrtar, çuditërisht menjëherë, me zëdhënësen e gjykatës në sallë. Kjo ishte tabloja e sotme.
Ky është avokati që do të mbrojë interesat e Berishës dhe do të rrëzojë padinë e Taulant Ballës dhe do të përballet me SPAK-un për të mbrojtur interesat e Berishës’, shprehet Gjokutaj.
