Milani pësoi një disfatë në fundjavë nga Juventus, përballje e fituar në San Siro nga zonja e vjetër me rezultatin 0-1. Goli i shënuar nga Locatelli i mjaftoi bardhezinjve të dilnin me kokën lart nga kjo transfertë, por njëkohësisht për të zhytur në kritika Milanin.
Një ndër personazhet e pakënaqur pas asaj përballje është dhe ish-trajneri Arrigo Sacchi, i cili ka sulmuar drejtpërdrejt Rafael Leao.
“Leao nuk do të luante me mua as te Milani e as tek Italia. Para se të nënshkruaja me një lojtar, e shikoja shumë në aspektin e personalitetit. Dhe nëse nuk ke lindur me një temperament të caktuar, është e vështirë ta përvetësosh. Leao ka shumë cilësi dhe unë mendoj se ai është absolutisht një djalë i mirë. Në futboll, megjithatë, luan me njëmbëdhjetë lojtarë, të gjithë duhet të vrapojnë dhe të kenë një pozicion në fushë. Të gjithë vraponin te Milani im, ndërsa Leao ndonjëherë nuk e bën e kjo nuk tolerohet”.
Kuqezinjtë vijojnë të qëndrojnë në vendin e dytë në tabelën e klasifikimit të Serie A, teksa Interi ndodhet në krye. Kujtojmë se Arrigo Sacchi si trajner arriti ta shpallte kampione këtë skuadër në sezonin 87-88.
