Egnatia po konfirmon veten si pretende për fitimin e kampionatit shqiptar. Rrogozhinasit fituan në “Selman Stërmasi” 3-2 ndaj Tiranës.
Egnatia përmbysi rezultatin kundër bardhebluve, duke marrë tre pikët. Tirana e nisi mjaft mirë ndeshjen, duke kaluar në avatazh që në minutën e 4 me Lulaj.
Por në minutën e 29, i përhershmi Dwuamena vendosi përkohësisht barazpeshën. Në të 35-ën, Kaina shënoi sërish për Tiranën, duke çuar bardheblutë në avantazh në dhomat e zhveshjes.
Me fillimin e pjesës së dytë, ishte sërish Dwuamena që shënoi golin e dytë personal në këtë sfidë dhe duke barazuar përkohësisht rezultatin në 2-2.
Por Egnatia nuk u ndal këtu, pasi 10 minuta më pas, Paulaskas shënoi golin e tretë për Rrogozhinasit, duke përmbysur rezultatin.
Nuk pati më gola në këtë takim, dhe Egnatia korri një sukses mjaft të rëndësishëm në fushën e Tiranës, 3-2 dhe mban kështu vendin e parë.
