Stina e vjeshtës ka rikthyer dhe virozat kryesisht për fëmijët. Mjekët thonë se infeksionet virale janë më të zakonshme tek të miturit, veçanërisht gjatë kësaj periudhe.
“Fëmijët janë paraqitur me bark dhe me të vjedha. Kur situata del jashtë kontrollit, paraqiten tek mjeku. Janë paraqitur edhe me probleme të fytit”, shprehet mjekja.
Mjekja pediatre Anila Sevdari në një intervisttë për Oranews, apelon prindërit që të kenë kujdes në përdorimin e antibiotikëve dhe të mos i përdorin pa konsultën e mjekëve.
“Nëse infeksioni del me natyrë bakteriale, atëherë patjetër që do marrim antibiotik por këtë gjë e vendos mjeku”, tha Sevdari.
Këto ditë në qendrën shëndetësore nr 9 ka pasur një numër të lartë vizitash ku paraditja ka fluksin më të lartë, por mjekët i kanë përballuar duke vizituar cdo fëmijë.
