Policia e Kurbinit ka arrestuar një 61-vjeçar, i cili akuzohet se në zonën “Laguna e Patokut”, kishte ndërtuar një objekt njëkatësh, pa leje.
Sipas policisë, Z.T., e kishte ndërtuar objektin me qëllim përdorimi për lokal.
“Specialistët për Hetimin e Krimeve të Komisariatit të Policisë Kurbin, në vijim të intensifikimit të kontrolleve për parandalimin e konstatimin e ndërtimeve pa leje dhe të krimeve të tjera kundër mjedisit, me fokus zonat bregdetare e zonat e mbrojtura, kanë arrestuar në flagrancë shtetasin Z. T. 61 vjeç, banues në Laç. 61-vjeçari, në zonën “Laguna e Patokut”, kishte ndërtuar një objekt njëkatësh, me qëllim përdorimi për lokal, pa leje të organeve kompetente. Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Lezhë, për veprime të mëtejshme, për veprën penale ‘Ndërtim i paligjshëm'”, njoftoi policia.
