“Hamasi dhe presidenti rus Vladimir Putin përfaqësojnë kërcënime të ndryshme, por ata kanë një gjë të përbashkët: ata duan të shkatërrojnë demokracitë” që janë afër tyre. Ne nuk mund t’i lëmë ata të fitojnë. Unë refuzoj të lejoj që kjo të ndodhë.”
Kështu e nisi fjalën e tij në Kongres, presidenti amerikan, Joe Biden. Ai theksoi se vazhdimi i mbështetjes dhe mbrojtjes së Izraelit dhe Ukrainës është “në interesin tonë, është jetik për sigurinë tonë kombëtare”.
Nga Zyra Ovale, presidenti amerikan përshkroi një botë në një “pikë kthese në histori”.
“Udhëheqja amerikane është ajo që e mban botën të bashkuar. Ne jemi ende një fener sot. Vlerat tona na bëjnë partnerë me të cilët vendet e tjera dëshirojnë të punojnë. Nuk ia vlen të vësh gjithë këtë rrezik duke hedhur poshtë Ukrainën apo duke i kthyer shpinën Izraelit”.
