Për shkak të motit të keq, mjetet e vogla lundruese dhe anijet e peshkimit që operojnë jashtë gjirit të Vlorës e kanë të ndaluar lundrimin në datat 19, 20, 21 dhe 22 tetor duke nisur nga ora 12:00.
Drejtuesit e anijeve të peshkimit dhe mjetet e vogla lundruese janë njoftuar nga autoriteti portual për situatën e përkeqësuar dhe për marrjen e masave për sigurimin e mjeteve në vendet e akostuara dhe parandalimin e ngjarjeve dhe situatave gjatë tre ditëve.
Anijet e transportit ndërkombëtar detar do të vazhdojnë të operojnë normalisht sipas destinacioneve. Përmirësimi i situatës hidrometeorologjike të përkeqësuar në gjirin e Vlorës dhe jashtë saj për mjetet e vogla lundruese dhe të peshkimit pritet të jetë pas orës 06:00 të datës 22 tetor.
