Një aksident ka ndodhur këtë pasdite pranë pikës kufitare të Kapshticës, ku një automjet ka dalë nga rruga. Për pasojë janë dëmtuar dy personat në bordin e mjetit.
Policia njoftoi se rreth orës 19:15, në aksin rrugor “Bilisht-Kapshticë”, në afërsi të Stacionit të Policisë Kufitare Kapshticë, shtetasi I. Z., duke drejtuar automjetin tip “Benz”, dyshohet se ka humbur kontrollin mbi drejtimin e tij dhe automjeti ka dalë nga rruga.
Për pasojë janë dëmtuar drejtuesi I.Z. dhe pasagjeri në këtë automjet shtetasi D.M., të cilët u dërguan për mjekim në spitalin e Bilishtit.
Një hetim ka nisur për zbardhjen e rrethanave të aksidentit.
