Të shtëna me armë zjarri janë regjistruar dy netë më parë, rreth orës 23:00, në fshatin Domje të Vorës.
Autoritetet policore bëjnë me dije se shtetasi L. L., 26 vjeç, gjatë një konflikti me shtetasit E. A., 34 vjeç dhe B. A., 29 vjeç, (vëllezër), ka qëlluar me armë zjarri në ajër, në afërsi të banesës së dy vëllezërve.
Blutë e kryeqytetit bëjnë me dije se kanë shpallur në kërkim 26-vjeçarin dhe po punojnë për kapjen e tij.
Materialet procedurale i kaluan Prokurorisë së Tiranës për veprime të mëtejshme.
