Shqiptarja Irena Stainova, e cila jeton në Izrael, theksoi se shumë persona janë vrarë e rrëmbyer. Në një lidhje të drejtpërdrejt për emisionin “Good Morning Albanians”, ajo tha se ditën e djeshme kanë gjetur trupat e një familje të vrarë.
“40 bebe janë vrarë. Janë shuar disa familje. Dje kanë arritur të gjejnë trupat e një familje dhe kanë arritur të bëjnë varrimin e tyre. Janë shuar disa familje. Prindër të rinj me fëmijë të vegjël. Është dhe një grua 70-vjeçe e mbijetuar e Holokaustit. Asaj i morën 8 anëtarët e familje së saj. Njëra prej familjarëve është kandidatë për çmimin NOBEL”-tha ajo.
