Në gjykatën e posaçme po zhvillohet seanca ndaj ish-ministrit te mbrojtjes Fatmir Mediu ne lidhje me shpërthimin e ndodhur në Gërdec në mars të 2008-tës .
Deri me tani kane deshmuar 5 persona, mes tyre edhe Fejzi Shehu i cili ka punuat si roje zevendesues tek fabrika e demonetimit te armeve për dy ditë.
Shehu: “Isha roje tek porta kryesore e fabrikës së demontimit aty futeshin punëtorët dhe dilnin kamionët. Ditën e shpërthimit isha në punë, tek porta kryesore dhe më erdhi një familjarë i një personi që kërkonte ti jepte ushqimin. Qesen e mora unë dhe jam futur brënda deri tek porta e dytë, aty pashë flakën pranë një karrocë dhe njerzit filluan të bertisnin për shkak të barutit flaka u përhap me shpejtësi dhe ika me vrap. Më pas aty kam mësuar se bëheshin saldimet e karrocave të dorës nga Qemal Deliu. Kam parë Qemalin që atë ditë ka dal dy tre herë jashtë për të salduar karroca dhe të gjitha levizjet bëheshin me lejen e përgjegjësit. Emrin e tij, Qemalit e kam mësuar pas shpërthimit sepse nuk e njihja pasi kisha vetëm dy ditë qe punoja në fabrikë”
Më herët dëshmuan edhe bashkeshortët Feruzan e Zamira Durda. Kjo e fundit e pyetur nga avokatët mbrojtës nëse ka ndonjëgje përsonale me Fatmir Mediun dhe pse i është qepur, deklaroi se nuk ka asgjë personale.
Zamira: “Nuk kam asgje me Fatmirin. Une mendoj qe ky eshte nje krim shteteror dhe Mediu ishte pjese e shtetit. Përgjegjes për shpërthimin në Gërdec është e gjithë piramida shtetërore”
Në fund Zamira Durda i kërkoi gjykatës ti jepte përgjigje përse fëmija i saj nuk jeton më. Madje ajo dorëzoi edhe dy fletore shkrimi të dhalit të i saj Erison Durda, që humbi jetën nga shpërthimi
