Kryeministrja e Serbisë Ana Brnabiç ka mbërritur në Tiranë në kuadër të Samitit të Procesit të Berlinit. Ajo u prit nga Rama, ku pati edhe një shtrëngim duarsh.
Vetë presidenti Aleksandër Vuçiç ka zgjedhur të mos jetë në samit, ndërsa ndodhet në Kinë, ku do të marrin pjesë në Forumin e tretë “Brez dhe rrugë” që nis të martën në Pekin.
Edhe kryeministri i Kosovës, Albin Kurti, ka mbërritur në samitin e Procesit të Berlinit në Tiranë. Ai është pritur nga kryeministri Rama, por mes tyre nuk pati asnjë komunikim.
Kujtojmë se marrëdhëniet e dy liderëve kanë qenë dukshëm të tensionuara pas zhvillimeve të fundit mes Kosovës dhe Serbisë dhe qëndrimit të kreut të qeverisë shqiptare lidhur me rastin.
