Ka ndërruar jetë në moshën 86-vjeçare në Helsinki, ish-presidenti i Finlandës, Martti Ahtisaari. Lajmin e trishtë e ka njoftuar Presidenca finlandeze.
Ahtisaari ka qenë i dërguar i posaçëm i Organizatës së Kombeve të Bashkuara për Kosovën, i ngarkuar për organizimin e negociatave të procesit të statusit të Kosovës. Mbi planin që ai hartoi, u shpall edhe pavarësia e Kosovës më 17 shkurt 2008.
Ai u shpërblye me Çmimin Nobel për Paqe më 2008 për shkak të kontributit të tij për dhënien e konflikteve edhe në Indonezi, Namibi apo Irlandën Veriore.
Ahtisaari kishte refuzuar të pranonte se luftërat dhe konfliktet ishin të pashmangshme.
“Paqja është çështje e vullnetit. Të gjitha konfliktet mund të zgjidhen dhe nuk ka asnjë justifikim që t’i lejojmë që ato të bëhen të përjetshme”, kishte deklaruar Ahtisaari gjatë pranimit të Nobelit më 2008.
Ahtisaari ishte tërhequr publike dhe politike më 2021, pasi u diagnostikua me sëmundjen e Allzajmerit. Ai ishte president i Finlandës nga viti 1994 deri më 2000.
