Shqipëria fitoi me rezultatin 3-0 ndeshjen përballë Çekisë në stadiumin “Air Albania”, por humbi një lojtar të rëndësishëm. Nedim Bajrami la fushën e lojës i dëmtuar në minutën e 66’.
Por sipas asaj që raportohet nga “Corriere dello Sport” duhet të presim deri nesër për të kuptuar nivelin e dëmtimit të mesfushorit shqiptar të Sassuolos.
Në fillim u duk një dëmtim shumë serioz, por frika e një dëmtimi të tillë duket së është “zbehur”.
Zëvendësimi duket se ka ardhur vetëm si masë paraprake, teksa pritet që lojtari të jetë i gatshëm për ndeshjen e ardhshme që Sassuolo do të luajë përballë Lazios.
