Në kuadër të Samitit të Procesit të Berlinit, ka mbërritur në Rinas Presidentja e Komisionit Europian, Ursula von der Leyen. Ajo është pritur në aeroport nga ministrja për Marrëdhëniet me Parlamentin, Elisa Spiropali.
Pas mbërritjes në kryeqytetin shqiptar, von der Leyen do të zhvillojë takim me Presidentin Bajram Begaj në Presidencë.
Më tej, von der Leyen do të takohet me kryeministrin Edi Rama, me të cilin pritet të zhvillojnë një konferencë për shtyp rreth orës 17:30.
Këtë të hënë do të mbahet në Tiranë Samiti i Procesit të Berlinit, ku do të marrin pjesë të gjithë liderët e vendeve të Ballkanit, të shteteve anëtare të Bashkimit Europian dhe përfaqësuesit më të lartë të BE-së.
Ky lloj samiti i një rëndësie të veçantë mbahet për herë të parë jashtë kufijve të BE-së.
