Më shumë se 40% e të akullit të Antarktidës janë tkurrur, me pothuajse gjysma që nuk tregojnë “asnjë shenjë rikuperimi”, kanë thënë shkencëtarët, të cilët besojnë se ndryshimi i klimës është ndoshta përgjegjës, shkruajnë mediat e huaja. Uji i ngrohtë në anën perëndimore të kontinentit ka shkrirë akullin, ndërsa në lindje, masivët e akullit ose kanë mbetur të njëjta ose janë rritur pasi uji është më i ftohtë atje.
Shkencëtarët në Universitetin e Leeds kanë llogaritur se 67 trilion ton akull u humbën në perëndim, ndërsa 59 trilion ton u shtuan në lindje midis 1997 dhe 2021 – duke rezultuar në një humbje neto prej 7.5 trilion tonë. Masivët e e akullit ndodhen në skajin e çdo akullnaje dhe ngadalësojnë shpejtësinë e rrjedhës së saj drejt oqeanit. Kur ato tkurren, akullnajat lëshojnë sasi më të mëdha të ujit të freskët në det, gjë që mund të prishë rrymat e Oqeanit Jugor.
“Shkrirja e ishujve të akullit sa vjen edhe po përkeqësohet kjo ka të bëjë me temperaturën e oqeanit dhe rrymat rreth Antarktidës. Gjysma perëndimore është e ekspozuar ndaj ujit të ngrohtë, i cili mund të gërryejë shpejt pjesën e poshtme të ishujve të akullit, ndërsa pjesa më e madhe e Antarktidës lindore është sot e mbrojtur nga uji i ngrohtë nga një brez ujërash të ftohtë bregdetar, ” shpjegon Dr Benjamin Davison, autori kryesor i studimit të botuar në revistën shkencore Scientific Advances.
Shkencëtarët ekzaminuan mbi 100,000 imazhe nga hapësira, duke analizuar shëndetin e ishujve të akullit, të cilat mund të kenë implikime për pjesën tjetër të planetit.
