Shqiptari nga Izraeli David Tërshana, tha se Izraeli është mësuar duke pasur sulme, pasi ngjarje të tilla kanë ndodhur çdo dy apo tre vite.
Ai theksoi se çdo shtëpi në Izrael ka një dhomë sigurie ku futen në rast se bie alarmi për raketa, por kjo situatë është shumë stresuese.
“Çdo shtëpi në Izrael e ka brenda një dhomë sigurie. Një nga dhomat duhet të jetë me beton më të veçantë dhe njerëzit ruhen”.
“Pasi bie alarmi i raketës, ti duhet të futesh brenda dhe të ruhesh. Nuk është se gjuajnë çdo minutë, por sikur çdo ditë të gjuajnë, njerëzit kalojnë stres, kalojnë panik.
“Ka njerëz që e përjetojnë shumë keq këtë, sidomos fëmijët e vegjël. Me këtë Izraeli ka vite”, tha David Tërshana për Euronews.
