Një lajm i trishtë vjen nga Përmeti, pasi shqiponja e cila u kryqëzua e gjallë në një gardh në fshatin Buhal, me qëllim për t’u balsamosur, nuk ka arrritur dot t’u mbijetë plagëve dhe ka ngordhur.
Lajmi është konfirmuar për mediat nga veterineri Ariel Vasili, i cili i shkoi ditën e djeshme në ndihmë shpendit të masakruar.
Shqiponja e llojit ‘Huta’ e kapur dhe varur në një gardh në fshatin Bual të Përmetit kishte 3 thyerje në krahun e djathtë dhe thyerje të këmbës së djathtë, siç edhe u konstatua nga veterinerët që bënë ekzaminimin mjekësor të saj.
Policia reagoi për shqiponjën pas denoncimit të aktivistes për mbrojtjen e kafshëve, Suela Luarsi, teksa ka nisur hetimet për kapjen e autorit.
