Telenovela Dafina-Sara është rikthyer sërish. Mbrëmë Sara Hoxha tha se gjithçka nisi nga një koment i Ledrit në postin Dafit, por që sipas saj nuk kishte pse këngëtares t’i mbetej hatri.
“Ka qenë një koment që Ledri ka bërë tek një post i Dafinës. Unë, e mora si shaka. Domethënë, unë si partnerja e Ledrit nuk e mora me idenë që ai po e ngacmon apo diçka e tillë. Vërtetë që nuk e di pse u mërzit, pse foli për njerëz mosmirënjohës sepse unë Dafinën nuk e kam shfrytëzuar kurrë. Ne kemi qenë, jo shoqe, por shumë të afërta. Madje edhe shumë më të afërta seç duhej. Madje shpesh mendoja se ajo është shumë e mirë dhe ti nuk ke se si sillesh ndryshe kur ajo sillet shumë mirë”, tha Sara.
Pas deklaratës së Sarës, ka reaguar Dafina, e cila ka postuar një status ku i kërkon Sarës mos t’ja përmendë më emrin.
“Goce kujdesu për fëmijën dhe “burrin” tënd. Boll ma përmende emrin. Kaq e vështirë është? Je e fiksuar, qetësohu”, shkruan Dafina.
