Një shtetas amerikan është arrestuar në Izrael me dyshimin për “shpërfytyrim të qëllimshëm” të skulpturave me vlerë në Muzeun e Izraelit në Jerusalem.
40-vjeçari i paidentifikuar u arrestua pasi policia u thirr për raportime nga personeli i sigurisë në institucionin kulturor në Jerusalem.
Sipas Jerusalem Post, dy skulptura të lashta romake që datojnë në shekullin e 2-të të ES u dëmtuan.
Në një deklaratë dërguar CNN, policia izraelite tha: “Dje (të enjten) në orët e vona të pasdites, Policia e Qarkut të Jerusalemit mori një raport nga personeli i sigurisë në Muzeun e Izraelit për një vizitor që shkatërroi qëllimisht skulptura me vlerë të konsiderueshme financiare të ekspozuara në muze. Duke shkaktuar dëme të konsiderueshme”.
