Policia e Tiranës në bashkëpunim me Autoritetit Kombëtar të Ushqimit kanë zbuluar një dyqan që shiste afër një shkolle, produkte ushqimore të cilave iu kishte kaluar afati i konsumimit.
Bëhet fjalë për një dyqan në rrugën “Tre Dëshmorët” në Yzberisht, teksa pronarja e dyqanit tregtonte produkte ushqimore edhe për nxënësit. Blutë e kryeqytetit kanë proceduar penaliasht pronaren e dyqanit, shtetasen F. Ç., 60 vjeçe.
“Gjatë kontrolleve, në rrugën “Tre Dëshmorët”, në dyqanin e shtetases F. Ç., 60 vjeçe, u gjetën dhe u sekuestruan produkte të ndryshme ushqimore që ajo i shiste në afërsi të një shkolle, edhe pse iu kishte kaluar afati i konsumimit. Në vijim të veprimeve u referuan materialet në Prokurorinë pranë Gjykatës së Shkallës së Parë të Juridiksionit të Përgjithshëm Tiranë, në ngarkim të shtetases F. Ç., 60 vjeçe, banuese në Tiranë.” – thuhet në njoftimin e Policisë.
Materialet procedurale i kaluan Prokurorisë, për veprime të mëtejshme.
