Ministri i Shëndetësisë në vitet 1990 dhe mjeku i njohur kardiolog, Ahmed Kamberi ka ndërruar jetë në moshën 83-vjeçare.
Për vdekjen e tij ka reaguar edhe minsitrja e Shëndetësisë, Albana Koçiu përmes një postimi në FB, ku shkruan se mjekësia shqiptare ka humbur një emër shumë të rëndësishëm siç ishte doktor Kamberi, i cili ishte një vlerë e madhe e disa dekadave në mjekësi dhe kontributet e tij që nuk do të humbasin asnjëherë.
Profesor Doktor, Ahmet Kamberi është një prej emrave më të shquar të kardiologjisë në Shqipëri, teksa ka mbajtur edhe postin e lartë si ministër Shëndetësie në fillim të viteve 1990. Raportohet se Kamberi vuante prej kohësh nga një sëmundje e rëndë, me të cilën fatkeqësisht e humbi betejën në moshën 83-vjeçare.
