Kryetarja e Komisionit të Çështjeve Europiane Jorida Tabaku, zhvilloi këtë të martë një takim me të ngarkuarin e ri me Punë në ambasadën Amerkane, David Ëisner.
Mësohet se fokusi i takimit ishte puna e Komisionit të Çështjeve Europiane, siguria kibernetike, çështjet e pronës dhe respektimi i sundimit të ligjit që janë shtylla të tjera të rëndësishme mbi të cilat ngrihet dhe procesi i anëtarësimit
Deputetja demokrate Tabaku theksoi se është e rëndësishme që procesi i integrimit Europian të jetë një hap cilësor për shqiptarët dhe që qytetarët të prekin realisht mundësinë transformuese të këtij procesi.
Gjatë diskutimit u theksua nevoja e qeverisë shqiptare për të forcuar luftën kundër korrupsionit që është kusht prioritar jo vetëm për integrimin por gjithashtu edhe për të pasur një Shqipëri konkurruese dhe që përthith investimet e huaja nga SHBA.
Tabaku iu referua deklaratës së presidentit Biden se korrupsioni është rrezik real për sigurinë kombëtare të vendit duke u shprehur se sot Shqipëria vuan nga ky rrezik dhe parlamenti duhet të udhëheqë një përpjekje për të luftuar korrupsionin.
