Pylli i Pishporosë dhe Darëzezës në Fier, vijon të jetë nën pushtetin e flakëve, teksa vatra të reja janë aktivizuar pasditen e kësaj të marte.
Mësohet se në vendngjarje kanë shkuar 11 forca zjarrfikëse që po punojnë për neutralizimin e zjarrit, por flakët të favorizuara nga era po përhapen me shpejtësi.
Ndërkohë sipërfaqja e përshkruar nga zjarri gjatë këtyre ditëve sipas përllogaritjeve paraprake arrin në 800 hektarë. Pavarësisht ndërhyrjes nga ajri dhe nga toka, situata është konsideruar si një ndër zjarret më të vështirë për t’u përballur deri më sot në vend.
