Jannik Sinner bën surprizën në Kinë në turneun e Beijingut dhe eliminon në gjysmëfinale, Carlos Alcaraz.
Edhe pse nisej si favorit, spanjolli nuk mundi të kalonte italianin që e mposhti në dy sete me shifrat 7-6 dhe 1-6 në një orë e 57 minuta.
Sinner konfirmohet si një nga rivalët më të mëdhenj të Alcaraz duke qenë se në tetë përballjet totale mes tyre, ia ka dalë të fitojë katër.
Alcaraz vijon të “ngecë” në gjysmëfinale, ashtu si në US Open dhe mbetet sërish pa titull, edhe pse këtë herë bëhet fjalë për një turne ATP 500.
Nga ana tjetër, Sinner do të kërkojë triumfin në finale përballë Daniil Medvedev, teksa italiani në rast suksesi do ta kishte titullin e dytë në një turne ATP 500.
Pas fitores me Alcaraz, Sinner siguroi edhe ngjitjen në vendin e katërt në renditjen botërore. Kjo është renditja më e lartë për një tenist italian që pas italianit tjetër Adriano Panatta.
