Juxhin Xhaja do të drejtojë këtë javë në ndeshjet e kompeticioneve të UEFA-s, pasi është caktuar nga kjo e fundit të ndajë drejtësinë në Ligën e Konferencës.
Kryesori që mban stemën e FIFA-s, do të drejtojë në Danimarkë duelin mes Nordsjelland dhe Ludogorets, që luhet të enjten në orën 21:00.
Asistentë të tij do të jenë Rejdi Avdo dhe Dojando Myftari, ndërsa gjyqtar i katërt është caktuar Eldorjan Hamiti.
Sa i përket asistentëve në sallën e VAR-it, kryesor atje do të jetë spanjolli Karlos del Serro Grande, ndërsa në AVAR do të jetë bashkëkombësi i tij Santiago Haime Latre.
