Në qytetin e Durrësit viti i ri akademik në universitetin “Aleksandër Moisiu” ka nisur me 3 programe studimi të rrezikuara për t’u mbyllur.
Në përfundim të regjistrimeve të raundit të parë dhe të dytë, në këtë ditë të parë të vitit akademik janë regjistruar 1517 studentë të rinj që ulen për herë të parë në auditoret e UAMD-së, në degë të ndryshme të 5 fakulteteve të këtij universiteti, ndërsa regjistrimet do të vijojnë deri më 18 tetor.
Degët më të rrezikuara janë Guidë Turistike, Filozofi-Sociologji dhe Histori e Marrëdhënie Ndërkombëtare.
