Armando Broja ka gjetur golin me Chelsean, në ndeshjen ndaj Fulham.
Pas një periudhe të gjatë jashtë fushave për shkak dëmtimi, në ndeshjen e parë si titullar, Broja është takuar me golin, duke shpërblyer kështu besimin e dhënë nga trajneri i Bluve të Londrës, Pochetino.
Sulmuesi shqiptar shënoi në minutën e 20-të duke dyfishuar shifrat për “Blutë”.
Vendasit humbin topin brenda zonës dhe pasimi për Brojën devijohet fillimisht nga Rim, por sulmuesi shqiptar gjen mënyrën për ta dërguar topin në rrjetë.
Vlen të theksohet fakti se hera e fundit që Broja kishte gjetur rrugën e rrjetës ishte më datën 8 tetor 2022, në duelin ndaj Wolves, ku skuadra e tij triumfonte me rezultatin 3-0.
Shpresojmë që kjo ecuri fantastike e yllit kuqezi, të vijojë edhe në duelet që do të zhvillojë me Kombëtaren shqiptare po në muajin tetor.
