Nëse shkojmë në tualet për pak më gjatë se zakonisht, shumë njerëz kryesisht ata më naivët, mendojnë të marrin diçka me vete për të kaluar kohën. Në filma kemi parë që njerëz bëjnë aty përveç nevojave fiziologjike dhe aktivitete si leximi gazetës ose sot më thjesht, duke kaluar kohë në celular.
Por mesa duket marrja e celularit në tualet nuk është një ide e mirë, sipas doktorit gastro-enterolog (i stomakut) Dr Sethi i cili ka studiuar në Harvard e Stanford – dhe shpesh shpërndan këshillat e tij në rrjetin “TikTok”. Në një prej videove të tij ai thotë se “megjithëse të lëvizësh me gisht në celular kur je në tualet mund të duket diçka e pafajshme, ajo mud të ketë pasoja të dëmshme”.
Dr Sethi shpjegon: “Së pari përdorimi i celularit mund të shkaktojë zgjatje të uljes në tualet, çka shkakton shtim të presionit ndaj zorrës së trashë dhe anusit. Kjo nga ana tjetër mund të sjellë hemorrhoide, çarje anale apo dhe prolaps rektal.”
Siç e shini vetë, asnjë nga këto ‘terma’ nuk tingëllon ‘i pëlqyeshëm’.
Doktori vazhdon më tej: “Një tjetër çështje është se një aktivitet i tillë mund të kthehet në terren për bakteret. Studimet kanë treguar se celulari një personi është më i pisët se mbulesa e një tualeti publik, përçon këshillat rrjeti britanik LadBible.
Dhe në fakt në një studim të vitit të shkuar të Universitetit të Arizona u zbulua se celularët mbajnë 10 herë më shumë bakterie sesa një mbulesë mesatare tualeti. Por nëse nuk arrini të bëni ndryshe, doktori thotë: “të paktën përdorni fshirëse me dezinfektant për të pastruar celularin pasi të keni mbaruar punë”.
