Pasi Yevgeny Prigozhin ndërroi jetë, pikëpyetja që lindi ishte kush do ta zinte vendin e tij, si kreu i grupit “Wagner”.
Tashmë, pas shumë aludimesh, duket se personi i caktuar për këtë pozicion është djali i tij 25-vjeçar Pavel Prigozhin. Sipas mediave të huaja, ai po negocion me gardën kombëtare ruse, Rosgvardia, për ribashkimin e organizatës mercenare në luftime në Ukrainë.
Ky veprim vjen ndërkohë që, komandën e grupit e ka marrë Andrey Troshev, i cili është njohur zyrtarisht edhe nga ministria e mbrojtjes dhe është përqafuar publikisht nga Vladimir Putin.
Raportohet se në negociatat e tij, Prigozhin ka deklaruar se grupi do të ruante emrin, simbolet, ideologjinë, komandantët dhe menaxhimin e tij.
Ëagner është një grup mercenar, i krijuar dhe i financuar nga shteti rus, ndërsa u shfaq për herë të parë në vitin 2014 gjatë aneksimit të Krimesë.
