Shpesh herë, institucione apo politikanë të huaj, kanë rënë pre e mosdijes dhe kanë përdorur harta, ku Kosova nuk egziston dhe territori i saj është pjesë e Serbisë, por kjo është e pafalshme kur përdoret nga institucionet shqiptare.
Një gafë të tillë e ka bërë së fundmi Shërbimi Meteorologjik Ushtarak në Shqipëri.
Sinoptikania Besa Sherollari, teksa po raportonte nga SHMU për televizionin Top Channel kushtet atmosferike, pas krahëve të saj, në LED ndodhej një hartë, ku kufijtë e Kosovës në të nuk egzistojnë. Siç mund ta shihni dhe në videon e mëposhtme, territori i Republikës së Kosovës është pjesë e territorit të Serbisë.
Falja publike është më minimalja nga Shërbimi Meteorologjik Ushtarak për këtë gafë, me shpresën se një hartë e tillë skandaloze nuk do të nxirret më në ekran.
