Aldon Lipe, moderatori i emisionit “Aldo Morning Show” në Tv Klan, prej vitesh e ka mbajtur sekret pamjen e tij në emision, dhe gjithmonë ka kuriozuar njerëzit për imazhin e tij. Shpesh herë, në rrjetet sociale dhe në portale kanë qarkulluar foto të tij, teksa ai prej kohësh ka hapur dhe rrjete sociale, por portretin në emision e mban ende të fshehur.
Por, imazhin e tij së fundmi na i ka zbuluar këngëtarja Orgesa Zaimi, e cila ka qenë e ftuar në emisionin e tij. E habitur nga risia që ka sjellë Aldo këtë sezon, ku programin e ka zhvendosur në një studio të re, një autobus i tejdukshëm që lëviz gjithë mëngjesin në kryeqytet, Orgesa ka bërë një video të gjatë, të cilën e ka postuar në rrjetet sociale. Shpesh herë, ajo na zbulon dhe portretin nga afër të moderatorit Aldon Lipe.
Aldo prej vitesh është martuar me Ketiona Jubanin dhe janë prindër të dy fëmijëve.
