Disa persona janë shoqëruar në polici për ru marrë në pyetje lidhur me vrasjen e ndodhur dje në Rrëshen, ku u ekzekutua Martin Bardhi dhe u plagosën tre persona të tjerë.
Në komisariatin e Lezhës janë shoqëruar disa anëtarë nga fisi Reçi, mes tyre edhe Saimir Reçi i cili pati dhe konfliktin në mars të këtij viti.
Grupi hetimor nuk përjashton që ky konflikt të ketë lidhje me ekzekutimin e një dite më parë.
Anëtarët e fisit Reçi kanë mohuar të kenë lidhje me krimin..
Pas marrjes së dëshmive, të shoqëruarit janë lënë sërish të lire, ndërkohë po analizohen pamjet e kamerave të sigurisë të disa biznese në qytet si dhe përgjatë akseve rrugore nga ku mendohet se ka lëvizur automjeti i autoreve të këtij krimi.
Burime nga grupi hetimor, bëjnë me dije se makina tip foristradë e përdorur në ngjarje, rezulton të ketë patur targa të falsifikuara.
