Fillimi i sezonit ka qenë i vështirë për Christian Mba, sulmuesin e Partizanit, i cili që pas dëmtimit në Kupat e Evropës kundër Valmiera-s nuk është kthyer ende titullar.
Madje tani ndien edhe konkurrencën e Bintsouka-s, sulmuesit tjetër të kuqve i cili ka realizuar në dy ndeshje radhazi në Superligë me Partizanin.
“Jam gati për të nisur nga minuta e parë pavarësisht se e di që nuk jam në 100% tim. Konkurrenca me Bintosuka po më pëlqen sepse ne jemi futbollistë dhe pa garë nuk ka futboll,”
“Ne do ta fitojmë titullin përsëri. Është i joni dhe do ia dalim. Sesa gola do të shënoj nuk mund ta them, por këtë do ta shohim në fund të sezonit,”
23-vjeçari foli edhe për ish-shokun e skuadrës tek të kuqtë, konglolezin Matondo, i cili së fundmi ka deklaruar se futbollistët me ngjyrë trajtohen ndryshe te Partizani.
“Gjithkush ka mendimin e tij. Nuk mund të flasë unë sesi është ndierë Matondo apo dikush tjetër. Sa më takon mua mund të them se më pëlqen këtu dhe sesi njerëzit sillen.
Sfida e radhës për Partizanin në Superligë është kundër Skënderbeut në fundjavë, por deri më tani kampionët në fuqi kanë dy ndeshja të prapambetura, kundër Teutës dhe Tiranës.
