Me shumë gjasa, Xabi Alonso do të jetë trajneri i ri i Real Madrid. Pasi Carlo Ancelotti të marrë drejtimin e Brazilit, përflitet se madrilenët kanë ndërmend ta zëvendësojnë me Xabi Alonson.
Për 42-vjeçarin do të ishte një rikthim në Madrid. Ai luajti atje nga viti 2009 deri në vitin 2014, madje në sezonin e tij të fundit me fanellën e bardhë (2013-14) kishte Ancelottin si trajner. Spanjolli ka përfaqësuar “Los Blancos” në 236 ndeshje, duke fituar një Champions League, një kampionat, dy Kupa Mbreti, një Superkupë Spanje dhe një Superkupë Europe.
Pasi vari këpucët në gozhdë, Xabi Alonso filloi një karrierë trajneri, fillimisht te Real Sociedad B dhe më vonë te Bayer Leverkusen, ku ai po i befason të gjithë. Pasi mori drejtimin e ekipit gjerman në tetor 2022, ai përfundoi në vendin e gjashtë sezonin e kaluar, duke arritur kualifikimin në Europa League. Edhe këtë vit ai e ka filluar shkëlqyeshëm, duke ia vështiresuar detyrën Bayern Munich në Bundesligë.
